Կուտրոնեն շուտով կդառնա Լա լիգան ներկայացնող ակումբի ֆուտբոլիստ

Կուտրոնեն շուտով կդառնա Լա լիգան ներկայացնող ակումբի ֆուտբոլիստ

30/01/2021 - 15:09

«Վուլվերհեմպտոնի» հարձակվող Պատրիկ Կուտրոնեն կարիերան կշարունակի իսպանական Լա լիգայում։

Ինչպես տեղեկացնում է իտալացի լրագրող Նիկոլո Սկիրան, 23-ամյա հարձակվողը շուտով կդառնա «Վալենսիայի» ֆուտբոլիստ։

Աղբյուրի փոխանցմամբ՝ «չղջիկները» վարձակալելու են Կուտրոնեին, իսկ ինքը՝ ֆուտբոլիստը, հունվարի 30-ին կմեկնի Վալենսիա, որպեսզի ավարտին հասցնի տեղափոխությունը։

Հիշեցնենք, որ Պատրիկ Կուտրոնեն «Միլանի» սան է և 2019 թվականի ամռանը 22 մլն եվրոյի դիմաց համալրեց «գայլերի» շարքերը։ Մինչ այժմ նա ակումբի կազմում անցկացրել է 28 խաղ՝ դառնալով 3 գոլի և 4 գոլային փոխանցման հեղինակ։

Նախորդ տարվա հունվարին վարձավճարով տեղափոխվեց «Ֆիորենտինա», սակայն ընթացիկ ձմեռային տրանսֆերային պատուհանին վերադարձավ «Վուլվերպեհմտոն»։

Ընթացիկ մրցաշրջանում իտալացի հարձակվողը բոլոր մրցաշարերի շրջանակում մասնակցել է 17 հանդիպման և աչքի չի ընկել որևէ արդյունավետ գործոությամբ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023