Պաշտոնական. Վուլվզի շարքերը համալրել է հերթական պորտուգալացի ֆուտբոլիստը

Ինչպես տեղեկացնում է «Վուլվերհեմպտոնի» պաշտոնական կայքը, ակումբը գնել է պորտուգալական «Էշտորիլի» վինգեր Չիկինիոյին։

Կողմերի միջև պայմանագիրը կնքվել է 4.5 տարով` մինչև 2026 թ. հունիսի 30-ը, իսկ «գայլերը» պարտուգալացի ֆուտբոլիստի տրանսֆերի դիմաց «Էշտորլին» վճարել են 3.5 մլն եվրո։

Նշենք, որ 21-ամյա ֆուտբոլիստը Լիսաբոնի «Սպորտինգի» սան է, որի համակարգում հանդես է եկել 2009-2017 թթ., ինչից հետո համալրել է «Էշտորիլի» շարքերը, որի գլխավոր թիմի կազմում անցկացրել է 44 հանդիպում` դառնալով 6 գոլի և 8 գոլային փոխանցման հեղինակ։

Հավելենք, որ Չիկինիոն դարձել է «Վուլվզի» 11-րդ պորտուգալացի ֆուտբոլիստը։ «Գայլերի» կազմում են հանդես գալիս նաև Ժոզե Սան, Տոտի Գոմեսը, Նելսոն Սեմեդուն, Ռուբեն Նևեշը, Բրունո Ժորդաուն, Ժոաո Մոուտինիոն, Պեդրու Նետոն, Դանիել Պոդենսեն, Ֆրանսիսկո Տրինկաոն և Ֆաբիո Սիլվան։

Հատկանշական է նաև, որ «Վուլվզի» գլխավոր մարզիչը նույնպես պորտուգալացի է` Բրունո Լագեն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am