Պաշտոնական. Երեք ֆուտբոլիստ հեռացան «Ման. Յունայթեդից» 📸

Կազեմիրոն, Ջեյդոն Սանչոն ու Տայրել Մալասիան հեռացել են «Մանչեսթեր Յունայթեդի», հայտնում է ակումբի պաշտոնական կայքը։

Երեք ֆուտբոլիստն էլ մանկունիական գրանդը կլքեն ազատ գործակալի կարգավիճակում։ Կողմերը չեն երկարաձգի հուլիսի 1-ին սպառվող պայմանագիրը։

Նիդերլանդցի պաշտպան Մալասիան «Յունայթեդ» էր տեղափոխվել 2022թ. հուլիսին, որի կազմում մասնակցել է 50 հանդիպման։

Բրազիլացի կիսապաշտպան Կազեմիրոն ակումբում էր 2022թ. օգոստոսից, 160 խաղում խփել է 26 գոլ, կատարել 14 ասիստ։

Անգլիացի վինգեր Սանչոն 2021թ. օգոստոսին էր 85 միլիոն եվրոյով Դորտմունդի «Բորուսիայից» միացել «Կարմիր սատանաներին»։ Նա մանկունիական գրանդում 83 խաղում 12 գոլ ու 6 ասիստ է գրանցել։

26-ամյա ֆուտբոլիստը 2024թ. հունվարից վարձավճարով հանդես է եկել «Բորուսիայում», «Չելսիում» և «Ասթոն Վիլայում»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml