Պաշտոնական. Մանչեսթեր Սիթիի ֆուտբոլիստը տեղափոխվեց Էվերթոն

«Մանչեսթեր Սիթիի» կիսապաշտպան Ֆաբիան Դելֆը տեղափոխվեց «Էվերթոն»:

29-ամյա անգլիացին արդեն միացել է նոր թիմին և մասնակցում է Շվեյցարիայում անցկացվող նախամրցաշրջանի հավաքին: Գործարքի գինը կազմել է 8 մլն եվրո,- հայտնում է Goal.com-ը:

«Ամեն անգամ, երբ ես խաղում էի «Էվերթոնի» դեմ, լիներ դա սեփական հարկի տակ, թե հյուրընկալվելիս, առաջինն, ինչ գալիս էր մտքիս երկրպագուներին տեսնելիս, կիրքն էր:

«Էվերթոնի» երկրպագուները ֆուտբոլից «գլուխ են հանում», հասկանում են այն: Հավանաբար դա նրանց արյան մեջ է և նրանք իրոք աջակցում են թիմին:

Իրոք երջանիկ եմ այստեղ գտնվելու համար: Ես պատրաստվում եմ ամբողջությամբ տրվել թիմին, 100%-ով»,- Դելֆի խոսքերն է մեջբերում «Էվերթոնի» պաշտոնական կայքը:

✅ High Quality
✅ Experience
✅ Hunger
✅ Ambition

Welcome, Fabian Delph! pic.twitter.com/qFHSccvUpF

— Everton (@Everton) July 15, 2019