Պաշտոնական․ Ալեքսիս Սանչեսը՝ Ինտերի լիիրավ ֆուտբոլիստ

Ինչպես տեղեկացնում է «Ինտերի» պաշտոնական կայքը, Ալեքսիս Սանչեսը դարձել է ակումբի լիիրավ ֆուտբոլիստ։

Աղբյուրի փոխանցմամբ՝ չիլիացի հարձակվողի հետ կնքվել է 3 տարվա պայմանագիր։ Ակումբը հաստատել է, որ խաղացողը «Իների» շարքերը համալրեց անվճար, քանի «Մանչեսթեր Յունայթեդի» հետ խզել է գործող պայմանագիրը։ «Յունայթեդն» այդ քայլին գնացել է՝ գումար խնայելու համար․ «կարմիր սատանաները» խնայեցին մոտ 60 մլն եվրո։

Սանչեսը միլանյան ակումբի կազմում տարեկան կվաստակի 7 մլն եվրո։

Հիշեցնենք, որ 31-ամյա ֆուտբոլիստը «ներաձուրիների» շարքերը համալրել էր դեռևս նախորդ ամռանը, սակայն հանդես էր գալիս վարձավճարով։

Ընթացիկ մրցաշրջանում Սանչեսը մասնակցել է 30 հանդիպման՝ դառնալով 4 գոլի և 10 գոլային փոխանցման հեղինակ։