Չելսին բնավորություն ցույց տվեց` ծանր պայքարում հաղթելով Լիդսին🎥

Անգլիական Պրեմիեր լիգայի 16-րդ տուրի շրջանակում «Չելսին» սեփական հարկի տակ մրցեց «Լիդսի» դեմ։

Առաջ ընկնելով` նշենք, որ բավական համառ պայքար ծավալվեց, ինչի արդյուքնում «Չելսին» 3:2 հաշվով ծանր հաղթանակ կորզեց, իսկ հաղթական գոլը խփեց 90+4-րդ րոպեին։

«Ազնվականների» կազմից դուբլի հեղինակ դարձավ Ժորժինիոն, ով երկու անգամ դիպուկ իրացեց 11-մետրանոցը, մեկ անգամ էլ աչքի ընկավ Մեյսոն Մաունթը։

«Լիդսի» գոլերն էլ խփեցին Ռաֆինյան ու Ջո Գելհարդտը։

Նշենք, որ Ռաֆինյան նույնպես իր գոլը խփել է 11-մետրանոցից։

Այս հաղթանակից հետո Թոմաս Տուխելի թիմը վաստակեց 36 միավոր և եզրափակում է լավագույն եռյակը։

«Լիդսը» մնաց 16 միավորով և զբաղեցնում է 15-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am