ՈՒԵՖԱ-ն Ատլետիկոյին ՉԼ-ին մասնակցելու իրավունք կտա, եթե Լա լիգան ժամանակից շուտ ավարտվի
«Ատլետիո Մադրիդը» հաջորդ մրցաշրջանում Չեմպիոնների լիգայի մասնակցության ուղեգիր կստանա, եթե նույնսիկ Լա լիգայի ընթացիկ մրցաշրջանը վերջնականապես անավարտ մնա։
Առաջնության ավարտից առաջ մադրիդյան ակումբը զբաղեցնում էր 6-րդ հորիզոնականը, որը միայն Եվրոպա լիգայի մասնակցության ուղեգիր է տալիս, սակայն, ինչպես տեղեկացնում է COPE-ն, Լա լիգայի վերջնական դադարեցման դեպքում ՈՒԵՖԱ-ի ղեկավարությունը որոշել է «հնդկացիներին» տրամադրել Չեմպիոնների լիգայի ուղեգիր։
Աղբյուրի փոխանցմամբ՝ ՈՒԵՖԱ-ն նման որոշման է հանգել հաշվի առնելով «Ատլետիկոյի» վերջին տարիների ելույթները հեղինակավոր մրցաշարում։ Մադրիդյան ակումբը վերջին տարիներին երկու անգամ դուրս է եկել ՉԼ եզրափակիչ (2014 և 2016 թթ․)։ Բացի դրանից՝ «Ատլետիկոն» ընթացիկ մրցաշրջանում պայքարից դուրս է թողել մրցաշարի գործող գավաթակիր «Լիվերպուլին»։
Ավելի վաղ հաղորդվում էր, որ ՈՒԵՖԱ-ն մտադիր է զրոյացնել ՉԼ-ի և ԵԼ-ի ընթացիկ մրցաշրջանի արդյունքները, եթե մինչև օգոստոսի 3-ը չխաղարկվի մրցաշրջանը։
# Ատլետիկո Մադրիդ, Եվրոպա-լիգա, Լիվերպուլ, ՈւԵՖԱ