Նապոլին ճախրում է` ջախջախելով Ռեյնջերսին 🎥

Չեմպիոնների լիգայի 2-րդ տուրում «Նապոլին» A խմբի շրջանակում` Գլազգոյի «Այբրոքս» մարզադաշտում, մրցեց «Ռեյնջերսի» դեմ։

Գոլազուրկ առաջին կեսից հետո նեապոլիտանական ակումբը կարողացավ բեկել հանդիպման ընթացքը` մրցակցին ջախջախելով 3:0 հաշվով։

Լուչիանո Սպալետիի թիմի կազմից 68-րդ, 85-րդ ու 90+1-րդ րոպեներին աչքի ընկան համապասխանաբար Մատեո Պոլիտանոն, Ջակոմո Ռասպադորին ու Տանգի Նդոմբելեն։

Հանուն արդարության` նշենք, որ «ռենջերները», 55-րդ րոպեից սկսած, խաղում էին 10 ֆուտբոլիստներով։

Կենտրոնական պաշտպան Ջեյմս Սենդսը, ստանալով երկրորդ դեղին քարտը, հեռացվել էր խաղադաշտից։

Այս խմբում կայացել է ևս մեկ հանդիպում.

«Լիվերպուլ» 2:1 «Այաքս»

A խմբի մրցաշարային աղյուսակն ունի հետևյալ տեսքը.

1. «Նապոլի» – 6 միավոր
2. «Լիվերպուլ» – 3 միավոր
3. «Այաքս» – 3 միավոր
4. «Ռեյնջերս» – 0 միավոր

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am