Յուվենտուսը նշանառության տակ է վերցրել մի շարք ֆուտբոլիստների

Յուվենտուսը նշանառության տակ է վերցրել մի շարք ֆուտբոլիստների

17/03/2021 - 21:32

Ինչպես տեղեկացնում է La Gazzetta dello Sport պարբերականը, «Յուվենտուսն» արդեն սկսել է նախապատրաստվել ամառային տրանսֆերային պատուհանի բացմանը։

Աղբյուրի փոխանցմամբ՝ թուրինյան ակումբին հետաքրքիր են մի շարք ֆուտբոլիստներ, ինչպիսիք են «Ատալանտայի» պաշտպան Ռոբին Գոսենսը, «Սասուոլոյի» կիսապաշտպան Մանուել Լոկատելին և «Նապոլիի» հարձակվող Արկադիուշ Միլիկը, ով այս պահին վարձավճարով հանդես է գալիս «Օլիմպիկ Մարսելի» կազմում։

Ավելի վաղ հաղորդվել էր, որ «Ատալանտան» պատրաստվում է վաճառել Գոսենսի տրանսֆերային իրավունքները «Մանչեսթեր Սիթիին» 40 մլն եվրոյի դիմաց։

Ընթացիկ մրցաշրջանում «Ատալանտայի» կազմում գերմանացի ֆուտբոլիստը բոլոր խաղերի հաշվարկով մասնակցել է 34 հանդիպման՝ դառնալով 10 գոլի և 7 գոլային փոխանցման հեղինակ։

Միլիկը «Մարսելի» կազմում մասնակցել է 7 հանդիպման և դարձել 4 գոլի հեղինակ, իսկ Լոկատելին «Սասուոլոյի» կազմում անց է կացրել 25 հանդիպում և իր անվան դիմաց գրանցել է 3 գոլ, 2 ասիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023