Յուվենտուսը հիանալի խաղով ջախջախեց Լացիոյին` բարձրանալով 3-րդ հորիզոնական🎥

Յուվենտուսը հիանալի խաղով ջախջախեց Լացիոյին` բարձրանալով 3-րդ հորիզոնական🎥

14/11/2022 - 10:32

Իտալական Ա սերիայի 15-րդ տուրում «Յուվենտուսը» Թուրինի «Ալիանց» մարզադաշտում մրցեց «Լացիոյի» դեմ։

Հանդիպման ողջ ընթացքում «բյանկոներիները» տպավորիչ ֆուտբոլ ցուցադրեցին` մրցակցին ջախջախելով 3:0 հաշվով։

Մասիմիլիանո Ալեգրիի թիմի կազմից դուբլի հեղինակ դարձավ Մոյզե Քինը, մեկ անգամ էլ աչքի ընկավ Արկադիուշ Միլիկը։

Նշենք, որ թուրինյան ակումբն Ա սերիայի շրջանակում տոնեց 6-րդ անընդմեջ «չոր» հաշվով հաղթանակը։

«Ծեր սինյորան» Ա սերիայի ընթացիկ խաղարկությունում անցկացրած15 խաղում բաց է թողել միայն 7 գոլ և լավագույնն է այդ ցուցանիշով ներքին առաջնությունում, իսկ եվրոպական թոփ-5 լիգաներում զիջում է միայն «Բարսելոնային», որի դարպասը մրցակիցները գրավել են 5 անգամ։

Այս հաղթանակից հետո «Յուվենտուսը» վաստակեց 31 միավոր` բարձրանալով 3-րդ հորիզոնական։

«Լացիոն» մնաց 30 միավորով և նահանջեց 4-րդ տեղ։

Հավելենք, որ այս հանդիպումից հետո Ա սերիան գնում է ընդմիջման` պայմանավորված ԱԱ-2022-ով նախատեսված դադարով։

Առաջնությունը կվերսկսվի 2023 թ. հունվարի 4-ին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023