Յուվենտուսը հերթական անգամ նվաճեց Ա սերիայի չեմպիոնի տիտղոսը🎥

Իտալական Ա սերիայի 36-րդ տուրի շրջանակում առաջնության առաջատար և գործող չեմպիոն «Յուվենտուսը» մրցեց «Սամպդորիայի» դեմ։

Թուրինյան ակումբը հանդիպման մեծ մասում վերահսկում էր խաղի ընթացքը՝ խփելով երկու անպատասխան գնդակ․ աչքի ընկան Կրիշտիանու Ռոնալդուն և Ֆեդերիկո Բերնարդեսկին։

Այսպիսով, Մաուրիցիո Սարիի սաները վաստակեցին 83 միավոր և առաջնության ավարտից երկու տուր առաջ հերթական անգամ նվաճեցին Ա սերիայի չեմպիոնի տիտղոսը։ Նշենք, որ այս չեմպիոնությունը «ծեր սենյորայի» համար դարձավ 9-րդ անընդմեջը։

«Սամպդորիան» 41 միավորով զբաղեցնում է 15-րդ հորիզոնականը։