Ալեգրին կարիերան ԱՊԼ-ում շարունակելու հետաքրքիր տարբերակ ունի

«Յուվենտուսի» և «Միլանի» նախկին գլխավոր մարզիչ Մասիմիլանո Ալեգրին, հնարավոր է, գլխավորի «Լիդսը», եթե «սիրամարգների» ներկայիս գլխավոր մարզիչ Մարսելո Բիելսան որոշի չերկարաձգել ակումբի հետ գործող պայմանագիրը։

Ինչպես տեղեկացնում է The Boot Room Football-ը՝ հղում կատարելով The Times-ին, «Լիդսի» ղեկավարությունն արդեն կապվել է 55-ամյա մասնագետի հետ:

Աղբյուրի փոխանցմամբ՝ կողմերի միջև առաջին բանակցությունները հաջող են անցել։

Հավելենք, որ Մարսելո Բիելսայի ու «Լիդսի» միջև գործող պայմանագիրն ուժի մեջ է մինչև 2021 թվականի հունիսի 30-ը։

Ինչ վերաբերում է «Լիդսին», ապա ակումբը, Պրեմիեր լիգայի շրջանակում անցկացրած 28 խաղերից հետո, վաստակել է 36 միավոր և զբաղեցնում է 12-րդ հորիզոնականը։

Հիշեցնենք, որ Մասիմիլանո Ալեգրին 2019 թվականից գործազուրկ է, երբ հեռացավ «Յուվենտուսի» գլխավոր մարզչի պաշտոնից։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am