Կանսելուի ծառառայություններով հետաքրքրված են երկու գրանդ ակումբներ

Կանսելուի ծառառայություններով հետաքրքրված են երկու գրանդ ակումբներ

29/05/2023 - 18:16

«Մանչեսթեր Սիթիի» պաշտպան Ժոաու Կանսելուն, ով 2022/23 մրցաշրջանի երկրորդ հատվածն անցկացրեց «Բավարիայի» կազմում, վարձակալության ավարտից հետո կվերադառնա մանկունյական ակումբ։

Ինչպես տեղեկացնում է ինսայդեր Ֆաբրիցիո Ռոմանոն, մյունխենյան ակումբը չի օգտվելու 70 մլն եվրոյի դիմաց 29-ամյա ֆուտբոլիստի ամբողջական տրանսֆերային իրավունքները գնելու հնարավորությունից։

Աղբյուրի փոխանցմամբ` «Ման. Սիթին» մտադիր է ամառային տրանսֆերային պատուհանի ժամանակ վաճառել Կանսելուին, ում ծառայութուններով հետաքրքրված են «Արսենալն» ու «Բարսելոնան»։

«Բլաուգրանան» դեռևս սույն թվականի հունվարին էր մոտ պորտուգալացի պաշտպանին ձեռք բերելուն, իսկ այժմ գործարքի կայացումը կախված է կատալոնական ակումբի ֆինանսական հարցերի կարգավորումից։

Հավելենք, որ Ժոաու Կանսելուն «Բավարիայի» կազմում դաշտ է դուրս եկել 21 անգամ` դառնալով 1 գոլի և 6 գոլային փոխանցման հեղինակ։

Ինչ վերաբերում է պորտուգալացի ֆուտբոլիստի «Մանչեսթեր Սիթիի» կազմում ունեցած մրցելույթներին, ապա վերջինս «քաղաքաբնակների» շարքերը համալրել է 2019 թ. օգոստոսին` անցկացրած 154 խաղում դառնալով 9 գոլի և 23 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023