Լիվերպուլը նույնպես վստահ հաղթանակով մեկնարկեց մրցաշրջանը🎥

Անգլիական Պրեմիեր լիգայի 1-ին տուրի շրջանակում «Լիվերպուլը» հյուրընկալվելիս մրցեց ֆուտբոլային էլիտա վերադարձած «Նորվիչի» դեմ։

Հետևելով «Մանչեսթեր Յունայթեդի» և «Չելսիի» օրինակին` Յուրգեն Կլոպի թիմը նույնես նոր մրցաշրջանն սկսեց վստահ հաղթանակով։

Մերսիսայդյան ակումբը երեք անպատասխան գնդակ ուղարկեց «Նորվիչի» դարպասը։

Հանդիպման լավագույն ֆուտբոլիստը միանշանակ Մոհամեդ Սալահն էր, ով դարձավ մեկ գոլի և երկու գոլային փոխանցման հեղինակ։

«Լիվերպուլի» մյուս երկու գոլերն իրենց անվան դիմաց գրանցեցին Դիոգու Ժոտան և Ռոբերտո Ֆիրմինոն։

Հավելենք, որ «Լիվերպուլի» կազմում 10 ամսվա դադարից հետո առաջին անգամ պաշտոնական հանդիպման մասնակցեց ծանր վնասվածքից ապաքինված հոլանդացի կենտրոնական պաշտպան Վիրջիլ վան Դեյկը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am