Լիվերպուլը մտադիր չէ պաշտոնանկ անել Կլոպին

«Լիվերպուլի» ղեկավարությունը, չնայած ակումբի գրանցաց վերջին անբավարար արդյունքներին, շարունակում է աջակցել գլխավոր մարզիչ Յուրգեն Կլոպին, ում չի պատրաստվում պաշտոնանկ անել:

Ինչպես տեղեկացնում է ինսայդեր Ֆաբրիցիո Ռոմանոն, մերսիսայդյան ակումբը գերմանացի մասնագետի հետ արդեն սկսել են պատրաստվել ամառային տրանսֆերային պատուհանին՝ կազմելով որոշակի ծրագրեր:

Աղբյուրի փոխանցմամբ՝ «կարմիրների» տրանսֆերային գլխավոր նպատակը լինելու է «Բորուսիա Դորտմունդի» կիսապաշտպան Ջուդ Բելինգհեմին ձեռք բերելը:

Բացի Բելինգհեմից, «Լիվերպուլի» շորթ-լիսթում ընգրկվել են նաև Մատեուշ Նունյեսը («Վուլվերհեմպտոն») և Մեյսոն Մաունթը («Չելսի»). վերջինս գործող պայմանագրի երկարաձգման հարցում չի կարողանում համաձայնության հասնել «ազնվականների» հետ, որն ավարտվում է 2024թ. հունիսի 30-ին:

Հաղորդովում է, որ մերսիսայդյան ակումբի ղեկավարությունը գիտակցում է, որ կիսապաշտպանությունն ու պաշտպանությունն ամրապնդելու խիստ անհրաժեշտություն կա:

Ստեղծված իրավիճակում ակումբը ցանկանում է շարունակել համագործակցությունը Յուրգեն Կլոպի հետ և ցանկանում է նրան աջակցել՝ իրականացնելով անհրաժեշտ տրանսֆերները:

Հավելենք, որ «Լիվերպուլն» ընթացիկ մրցաշրջանում անկայուն մրցելություներով է աչքի ընկնում: Ակումբը Պրեմիեր լիգայի խաղարկությունում անցկացրած 22 խաղից հետո վաստակել է միայն 35 միավոր և զբաղեցնում է 8-րդ հորիզոնականը, դուրս է մնացել Անգլիայի գավաթից և Լիգայի գավաթից, իսկ Չեմպիոնների լիգայի 1/8 եզրափակիչի առաջին խաղում սեփական հարկի տակ 2:5 հաշվով խայտառակ պարտություն է կրել «Ռեալ Մադրիդից»:

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am