Լիվերպուլը հիասքանչ խաղով ջախջախեց Վոթֆորդին🎥

Անգլիական Պրեմիեր լիգայի 8-րդ տուրի մեկնարկային խաղում «Լիվերպուլը» հյուրընկալվելիս մրցեց «Վոթդորդի» դեմ։

Յուրգեն Կլոպի սաները որևէ հնարավորություն չտվին մրցակցին` ջախջախելով 5:0 հաշվով։

Հանդիպման հերոս դարձավ Ռոբերտո Ֆիրմինոն, ով իր անվան դիմաց գրանցեց երեք գոլ և մեկ գոլային փոխանցում։

«Լիվերպուլի» կազմից մեկական անգամ էլ աչքի ընկան Մոհեմեդ Սալահն ու Սադիո Մանեն։

Հավելենք, որ սենեգալցի հարձակվողն ԱՊԼ-ի շրջանակում խփեց իր հոբելյանական` 100-րդ գոլը։

Այս հաղթանակից հետո «Լիվերպուլը» վաստակեց 18 միավոր և գլխավորեց Պրեմիեր լիգայի մրցաշարային աղյուսակը։

«Վոթֆորդն» էլ մնաց նախապես վաստակած 7 միավորով և զբաղեցնում է 15-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am