Ինտերն ընդհատեց Շերիֆի անպարտելիության հեքիաթային շարքը🎥

Չեմպիոնների լիգայի խմբային փուլի 3-րդ տուրում «Ինտերը» D խմբի շրջանակում սեփական հարկի տակ մրցեց «Շերիֆի» դեմ։

Միլանյան ակումբը ողջ խաղի ընթացքում ուներ խաղային լուրջ առավելություն ու հաղթեց 3:1 հաշվով` ընդհատելով մոլդովական ակումբի` Չեմպիոնների լիգայի ընթացիկ խաղարկությունում գրանցած 10 անընդմեջ անպարտելի հանդիպումներից բաղկացած շարքը։

«Ներաձուրիներին» հաղթանակ պարգևեցին Էդին Ջեկոյի, Արթուրո Վիդալի և Ստեֆան Դե Վրեյի խփած գոլերը։

«Շերիֆի» միակ գոլն էլ խփեց Սեբաստիան Թիլը` տուգանայինի իրացումից հետո դառնալով շքեղ գոլի հեղինակ։

Այս խմբում կայացել է ևս մեկ խաղ.

«Շախտյոր» 0:5 «Ռեալ Մադրիդ»

D խումբը 3-րդ տուրի ավարտից հետո ունի հետևյալ տեսքը.

1. «Շերիֆ» – 6 միավոր
2. «Ռեալ» – 6 միավոր
3. «Ինտեր» – 4 միավոր
4. «Շախտյոր» – 1 միավոր

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am