Ինտերը չի պատրաստվում գնել Սանչեսի ամբողջական տրանսֆերը

Ինչպես տեղեկացնում է Daily Mail-ը, Ալեքսիս Սանչեսը, ամենայն հավանականությամբ, շուտով կվերադառնա «Մանչեսթեր Յունայթեդ»։

31-ամյա հարձակվողը վարձակալական հիմունքներով հանդես է գալիս «Ինտերի» կազմում։ Ըստ աղբյուրի՝ միլանյան ակումբի գործադիր տնօրեն Բեպե Մարոտան չի ցանկանում Սանչեսի համար վճարել 20 մլն եվրո։

Մարոտայի գաղափարն ընդունում է նաև թիմի գլխավոր մարզիչ Անտոնիո Կոնտեն, ով Սանչեսի փոխարեն նախընտրում է ավելի երիտասարդ և ավելի էժան խաղացողների։

Ա սերիայի ընթացիկ մրցաշրջանում չիլիացի հարձակվողը խաղդաշտ է դուրս եկել ընդամենը 8 անգամ՝ դառնալով 1 գոլի և գոլային փոխանցման հեղինակ։