Ինտերը մրցակիցներ չի ճանաչում. «ներաձուրիները» հաղթեցին նաև Լացիոյին🎥

Իտալական Ա սերիայի 21-րդ տուրի շրջանակում գործող չեմպիոն «Ինտերը» Միլանի «Ջուզեպե Մեացա» մարզադաշտում մրցեց «Լացիոյի» դեմ։

Հանդիպման մեծ մասում «ներաձուրիները» շատ ավելի լավ տեսք ունեին և գրոհում էին ավելի վտանգավոր, ինչն էլ նպաստեց, որ Սիմոնե Ինձզագիի թիմը հաղթեց 2:1 հաշվով։

Միլանյան ակումբի կազմից հանդիպման հաշիվը բացեց 30-րդ րոպեին բացեց Ալեսանդրո Բաստոնին, 35-րդ րոպեին Չիրո Իմոբիլեն հավասարեցրեց հաշիվը, սակայն 67-րդ րոպեին Միլան Շկրինյարը հաղթանակ պարգևեց «Ինտերին»։

Այսպիսով, «Ինտերը», Ա սերիայի շրջանակում տոնելով 8-րդ անընդմեջ հաղթանակը, վաստակեց 49 միավոր և վերադարձավ 1-ին հորիզոնական` շրջանցելով «Միլանին», որն ունի 48 միավոր։

Նշենք, որ «Ինտերը» համաքաղաքային ակումբի համեմատ էլ մեկ հանդիպում պակաս է անցկացրել և պետք է մրցի «Բոլոնիայի» դեմ։

«Լացիոն» մնաց 32 միավորով և նահանջեց 8-րդ հորիզոնականում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am