Թրիլլեր «Մոնտիվիլիում». Ժիրոնան ֆանտաստիկ comeback արեց Ալմերիայի դեմ խաղում 🎥

Իսպանական Լա լիգայի 10-րդ տուրում «Ժիրոնան» «Մոնտիլիվի» մարզադաշտում մրցեց «Ալմերիայի» դեմ։

Տանտերերի համար հանդիպումը մեկնարկեց անչափ անհաջող, քանի որ անդալուսական ակումբն արդեն 2-րդ րոպեին Լեո Բապտիստաոյի ջանքերով բացեց հաշիվը։

«Ժիրոնան» նոր-նոր էր ուշքի եկել շոկային մեկնարկից, երբ հյուրերը 24-րդ րոպեին ևս մեկ գնդակ ուղարկեցին Պաուլո Գասանիգայի պաշտպանած դարպասը. կրկին աչքի ընկավ Բապտիստաոն` դառնալով դուբլի հեղինակ։

Այդուհանդերձ, Միչելի թիմը բաց թողած երկրորդ գոլից հետո, պարզապես, գլխիվայր շրջեց հանդիպման ընթացքը և նախքան ընդմիջում ընդամենը 6 րոպեի ընթացքում ոչ միայն կրճատեց, հավասարեցրեց, այլև առաջ անցավ հաշվի մեջ։

37-43-րդ րոպեների ընթացքում դուբլի հեղինակ դարձավ Արտյոմ Դովբիկը, մեկ անգամ էլ աչքի ընկավ Իվան Մարտինը։

Երկրորդ կեսում կատալոնական ակումբը զարգացրեց հաջողությունը` ևս երկու գնդակ խփելով, որոնք 71-րդ ու 85-րդ րոպեներին իրենց անվան դիմաց գրանցեցին համապատասխանաբար Սավիոն ու Քրիստիան Ստուանին։

Այսպիսով, «Ժիրոնան» ֆանտաստիկ comeback արեց` հաղթելով 5:2 հաշվով։

Այս հաղթանակից հետո Միչելի թիմը վաստակեց 25 միավոր և զբաղեցնում է 2-րդ հորիզոնականը։

Նույնքան միավոր ունի նաև առաջնության առաջատար «Ռեալ Մադրիդը»։

«Ալմերիան», որն ընթացիկ մրցաշրջանում դեռևս չի տոնել ոչ մի հաղթանակ, 3 միավորով, վերջինն է` 20-րդը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am