Զախարյանը հայտնվել է եվրոպական երկու հանրահայտ ակումբների ուշադրության կենտրոնում

Զախարյանը հայտնվել է եվրոպական երկու հանրահայտ ակումբների ուշադրության կենտրոնում

10/08/2021 - 00:14

«Դինամո Մոսկվայի» հայազգի18-ամյա կիսապաշտպան Արսեն Զախարյանը հայտնվել է եվրոպական ակումբների ուշադրության կենտրոնում։

Ինչպես տեղեկացնում է Спорт-Экспресс-ը, Զախարյանի ու «Դինամոյի» միջև գործող պայմանագրում կա հրաժարագնի կետ, ըստ որի, արտասահմանյան ակումբները նրան կարող են գնել 12 մլն եվրոյի դիմաց։ Հաջորդ տարի այդ գինը հասնելու է մինչև 15 մլնի։

Աղբյուրի փոխանցմամբ` Զախարյանի ծառայություններով լրջորեն հետաքրքրված է «Լայպցիգը»։

Խոսակցություններ կան նաև, որ «Չելսին» նույնպես ուշադիր հետևում է երիտասարդ կիսապաշտպանի խաղին։

Հաղորդվում է, որ «Լայպցիգը» պատրաստ է վճարել Զախարյանի հրաժարագինը, սակայն ներկա պահին գործարքը քիչ հավանական է։

Հավելենք, որ Արսեն Զախարյանն ընթացիկ մրցաշրջանում «Դինամոյի» կազմում անցկացրել է 3 հանդիպում` դառնալով մեկական գոլի և գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023