Բուֆոնը պայամանագրի խոշոր առաջարկ է ստացել

«Պարմայի» 45-ամյա դարպասապահ Ջանլուիջի Բուֆոնը, հնարավոր է, կարիերան շարունակի Սաուդյան Արաբիայում։

Ինչպես տեղեկացնում է ինսայդեր Նիկոլո Սկիրան, Բուֆոնը սաուդարաբական ակումբներից մեկից 2 տարվա պայմանագրի առաջարկ է ստացել։

Աղբյուրի փոխանցմամբ` իտալացի դարպասապահի տարեկան աշխատավարձը լինելու է 15 մլն եվրո։

Նշվում է, որ լեգենդար դարպասապահն այժմ մտածում է իր ապագայի մասին և շուտով որոշում կկայացնի։

Հավելենք, որ Բուֆոնը 2021 թ. ամռանը վերադարձավ հարազատ «Պարմա», որի կազմում հանդես էր եկել նաև 1994-2001 թթ.։

Բուֆոնը «Պարմայի» կազմում անցկացրել է 265 հանդիպում` սեփական դարպասը 98 անգամ պահելով անառիկ։

Իտալացի դարպասապահն առավել հայտնի է «Յուվենտուսի» կազմում ունեցած մրցելույթներով, որի գույները պաշտպանել է 2001-18 և 2019-22 թթ.։

Բուֆոնը «բյանկոներիների» կազմում դաշտ է դուրս եկել 685 անգամ` անցկացնելով 332 «չոր» խաղ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am