Բենզեման դարձել է Ռեալի պատմության երրորդ լավագույն ռմբարկուն

Չեմպիոնների լիգայի 1/8 եզրափակիչի պատասխան հանդիպման շրջանակում «Ռեալ Մադրիդը» 3:1 հաշվով կամային հաղթանակ տարավ ՊՍԺ-ի նկատմամբ։

Հանդիպման հերոս դարձավ «արքայական» ակումբի հարձակվող Կարիմ Բենզեման, ով 3 գնդակ ուղարկեց փարիզյան ակումբի դարպասը` իր անվան դիմաց գրանցելով հեթ-տրիկ։

Ինչպես տեղեկացնում է «Ռեալի» մամուլի ծառայությունը, 34-ամյա հարձակվողը «սերուցքայինների» կազմում բոլոր մրցաշարերի շրջանակում խփած գոլերի քանակը հասցրել է 309-ի, ինչի շնորհիվ դարձել է ակումբի պատմության երրորդ լավագույն ռմբարկուն` շրջանցելով լեգենդար Ալֆրեդո դի Ստեֆանոյին։

Այժմ Բենզեման զիջում է միայն Կրիշտիանու Ռոնալդուին (451 գոլ) և Ռաուլին (323)։

Հավելենք, որ ֆրանսիացի հարձակվողն ընթացիկ մրցաշրջանում բոլոր մրցաշարերի շրջանակում անցկացրել է 33 հանդիպում` դառնալով 30 գոլի և 12 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am