Բարսելոնան 2023/24 մրցաշրջանի տնային հանդիպումները կանցկացնի այլ մարզադաշտում
«Բարսելոնան» 2023/24 մրցաշրջանում տնային հանդիպումները կանցկացնի այլ մարզադաշտում, այլ ոչ թե «Նոու Կամպում»։
Այսօր` հունիսի 21-ին, հրավիրված հատուկ մամուլի ասուլիսի ժամանակ կատալոնական ակումբի նախագահ Ժոան Լապորտան հայտարարել է, որ «Նոու Կամպ» մարզադաշտը գրեթե ամբողջությամբ վերանորոգվելու է և ձևափոխվելու։
Մարզադաշտի վերանորոգման աշխատանքները կսկսվեն արդեն այս տարվա ամռանը, սակայն «Բարսելոնան» 2022/23 մրցաշրջանի հանդիպումները դեռևս կշարունակի անցկացնել «Նոու Կամպում»։
Այդուհանդերձ, 2023/24 մրցաշրջանում «բլաուգրանան» ժամանակովարես «Նոու Կամպից» կտեղափոխվի Բարսելոնայի Լուիս Կոմպանիսի անվան «Օլիմպիական» մարզադաշտ, որը տեղավորում է 55 հազար հանդիսական։
Սպասվում է, որ մինչ «Օլիմպիականում» հանդիպումներ անցկացնելը, «Բարսելոնան» կթարմացնի մարզադաշտի մի շարք ենթակառուցվածքներ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Բարսելոնա, Ժոան Լապորտա, Կամպ Նոու, Օլիմպիական մարզադաշտ-Բարսելոնա