Բարսելոնան կենտրոնական հարձակվողի փնտրտուքների մեջ է
Կատալոնական «Բարսելոնան» Լուիս Սուարեսի ծանր վնասվածքով պայմանավորված, սկսել է նոր կենտրոնական հարձակվող փնտրել։
Ըստ calciomercato-ի՝ այս տրանսֆերային պատուհանի ժամանակ ցանկանում է թիմ հրավիրել «Միլանի» կենտրոնական հարձակվող Կշիշտոֆ Պյոնտեիկ։
Ինչպես տեղեկացնում աղբյուրը, կողմերը մոտ օրերս հանդիպում են ունենալու, որպեսզի քննարկեն տրանսֆերի մանրամասները։
«Բարսելոնան» ցանկանում է առաջ անցնել «Նյուքասլից», քանի որ անգլիական ակումբը նույնպես ցանկանում է իր շարքերում տեսնել լեհ հարձակվողին։ Սակայն, 24-ամյա հարձակվողը չի ցանկանում հանդես գալ «կաչաղակների» կազմում։
Այսօր Sport.es-ին հայտնի է դարձել, որ կատալոնական ակումբը դիտարկում է նաև «Լայպցիգի» 23-ամյա հարձակվող Տիմո Վերների թեկնածությունը, ով ընթացիկ մրցաշրջանում տպավորիչ ֆուտբոլ է ցուցադրում և հայտնվել է մի շարք եվրոպական թոփ առաջնությունների ուշադրության կենտրոնում։
«Բարսելոնան» Վերներին ձեռք բերելու համար կպայքարի «Լիվերպուլի» հետ։
# Բարսելոնա, Լայպցիգ, Կշիշտոֆ-Պյոնտեկ, Միլան, Տիմո Վերներ, տրանսֆերներ