Անչելոտիի հաղթական վերադարձը. Բենզեման շարունակում է առաջնորդել Ռեալին🎥

Անչելոտիի հաղթական վերադարձը. Բենզեման շարունակում է առաջնորդել Ռեալին🎥

15/08/2021 - 01:54

Լա լիգայի նոր մեկնարկած մրցաշրջանում պայքարի մեջ մտավ նաև չեմպիոնի գլխավոր հավակնորդներից «Ռեալ Մադրիդը». 1-ին տուրի շրջանակում «արքայական» ակումբը հյուրընկալվելիս մրցեց «Ալավեսի» դեմ։

Չնայած առաջին կեսում մադրիդյան ակումբն ավելի շատ էր տիրում գնդակին (57%), սակայն, կարելի է ասել, խաղը հիմնականում հավասար պայքարում էր ընթանում։

Ամեն դեպքում, նախքան ընդմիջման գնալը գոլեր չտեսանք։

Գոլազուրկ առաջին խաղակեսից հետո Կառլո Անչելոտիի սաները միանգամից միացրին շարժիչները և արդեն 48-րդ րոպեին բացեցին խաղի հաշիվը. Էդեն Ազարի փոխանցումը եզրափակեց Կարիմ Բենզեման։

Խփած գոլից հետո «սերուցքայինները» նաև շատ արագ կրկնապատկեցին իրենց առավելությունը. 56-րդ րոպեին տուգանայինի խաղարկումից հետո աչքի ընկավ Նաչո Ֆերնանդեսը։

62-րդ րոպեին Կարիմ Բենզեման ևս մեկ գնդակ ուղարկեց «Ալավեսի» դարպասը, դարձավ դուբլի հեղինակ` լուսատախտակին վառելով 3:0 հաշիվը։

Գոլային հրավառությունը շարունակեցին արդեն «Ալավեսի» ֆուտբոլիստները. 64-րդ րոպեին Տիբո Կուրտուան սեփական տուգանային հրապարակում կանոնների խախտում թույլ տվեց, ինչից հետո հանդիպման գլխավոր մրցավարը 11-մետրանոց հարված նշանակեց «Ռեալի» դարպասին, որն անվրեպ իրացրեց Խոսելուն։

Խաղավարտին մոտ 90+2-րդ րոպեին հանդիպման վերջամետը դրեց Վինիսիուս Ժունիորը` 4:1։

Այսպիսով, Կառլո Անչեկոտիի` «արքայական» ակումբ վերադարձը շատ հաջող ստացվեց. «Ռեալը» 4:1 հաշվով վստահ հաղթանակ տոնեց «Ալավեսի» նկատմամբ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023