Անգլիայի ռևանշը. «երեք առյուծները» ծանր պայքարում հաղթեցին Իտալիային🎥

Եվրո-2024-ի որակավորման փուլի առաջին տուրի կենտրոնական հանդիպումներից մեկը կայացավ Նեապոլի «Դիեգո Արմանդո Մարադոնա» մարզադաշտում. Անգլիայի հավաքականը C խմբի շրջանակում հյուրընկալվելիս մրցեց Իտալիայի դեմ։

«Երեք առյուծները» հիանալի առաջին կես անցկացրին և նախքան ընդմիջում երկու գնդակի առավելություն ստացան. նախ 13-րդ րոպեին աչքի ընավ Դեկլան Ռայսն, ապա 44-րդ րոպեին` Հարի Քեյնը։

Երկրորդ խաղակեսում լրիվ հակառակ պատկերն էր. նախաձեռնության տերը «սկուադրա աձուրիի» ֆուտբոլիստներն էին, ովքեր, սակայն, կարողացան միայն կրճատել հաշվի տարբերությունը. 56-րդ րոպեին գոլի հեղինակ դարձավ Իտալիայի հավաքականի նորեկ Մատեո Ռետեգին։

Այսպիսով, Անգլիայի հավաքականը հաղթեց 2:1 հաշվով։

Նշենք, որ Գարեթ Սաութգեյթի թիմը ռևանշի հասավ Իտալիայի հավաքականի նկատմամբ` Եվրո-2020-ի եզրափակիչում կրած պարտության համար։

Այդ ժամանակ Ռոբերտո Մանչինիի թիմը հաղթեց 11-մետրանոցներով` դառնալով Եվրոպայի կրկնակի չեմպիոն։

Հավելենք նաև, որ Անգլիայի հավաքականը պաշտոնական խաղերում վերջին անգամ Իտալիային հաղթել էր հեռավոր 1977 թվականին։

Ավելացնենք, որ C խմբում կայացել է ևս մեկ հանդիպում.

Հյ. Մակեդոնիա 2:1 Մալթա

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am