Անգլիական գրանդը հետաքրքրված է Ասենսիոյի ծառայություններով

Անգլիական գրանդը հետաքրքրված է Ասենսիոյի ծառայություններով

19/06/2022 - 15:38

«Ռեալ Մադրիդի» վինգեր Մարկո Ասենսիոն, հնարավոր է, շուտով փոխի ակումբային գրանցումը։

Ինչպեա հայտնում է AS-ը, իսպանացի ֆուտբոլիստի ծառայություններով հետաքրքրված է «Լիվերպուլը»։

Աղբյուրի փոխանցմամբ` մերսիսայդյան ակումբը 26-ամյա եզրային հարձակվողի տրանսֆերի հարցում արդեն կապ է հաստատել «Ռեալի» ներկայացուցիչների հետ։

Այդուհանդերձ, այս տրանսֆերի հավանականությունը բավական քիչ է, քանի որ ինքն` Ասենսիոն, ցանկանում է հանդես գալ այնպիսի ակումբում, որտեղ մշտական տեղ կունենա հիմնական կամզում։

Հաշվի առնելով «Լիվերպուլի» հարձակման գծի ֆուտբոլիստների շրջանակում առկա մրցակցությունը` ներկա պահին գործնականում հնարավոր չէ, որ Ասենսիոն մերսիսայդյան ակումբում կլինի մեկնարկային կազմի ֆուտբոլիստ։

Հաղորդվում է, որ իսպանացի ֆուտբոլիստը դեռևս չի շտապում որոշում կայացնել ապագայի հարցում, սակայն հասկանում է նաև, որ կա հավանականություն, որ «Ռեալում» նույնպես կկորցնի տեղը մեկնարկային կազմում։

Ավելի վաղ կային տեղեկություններ, որ Ասնեսիոյի ծառայություններով հետաքրքրված են նաև «Միլանը», «Մանչեսթեր Յունայթեդը», «Յուվենտուսը« Արսենալն» ու «Նյուքասլը»։

Հիշեցնենք, որ Մարկո Ասենսիոն «արքայական» ակումբի կազմում հանդես է գալիս 2015 թ. հուլիսից, որի մարզաշապիկով մինչ օրս անցկացրել է 235 հանդիպում` դառնալով 49 գոլի և 24 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023