Պաշտոնական. Սարգիս Ադամյանը փոխեց ակումբային գրանցումը

Պաշտոնական. Սարգիս Ադամյանը փոխեց ակումբային գրանցումը

05/07/2022 - 18:49

Ինչպես տեղեկացնում է «Քյոլնի» պաշտոնական կայքը, ակումբը գնել է «Հոֆֆենհայմի» հարձակվող Սարգիս Ադամյանին։

Կողմերի միջև կնքվել է 4 տարվա պայմանագիր` մինչև 2026 թ. հունիսի 30-ը։

Ըստ հեղինակավոր Transfermarkt կայքի` «այծերը» 29-ամյա ֆուտբոլիստի տրանսֆերի դիմաց «գյուղացիներին» վճարել են 1.5 մլն եվրո։

«Քյոլնը» հայտնում է, որ հայազգի ֆուտբոլիստն արդեն այսօր` հուլիսի 5-ին, կմիանա ակումբին և առաջին մարզումը կանցկացնի նոր ակումբի կազմում։

հավելենք, որ Ադամյանը նոր ակումբի կազմում հանդես է գալու «23» համարի մարզաշապիկով։

Հիշեցնենք, որ Սարգիս Ադամյանը «Հոֆֆենհայմի» կազմում հանդես էր գալիս 2019 թ. հուլիսից, որի մարզաշապիկով անցկացրել է 53 հանդիպում` դառնալով 11 գոլի և 5 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022