Պաշտոնական. Ռոբերտո Մարտինեսը լքեց Բելգիայի գլխավոր մարզչի պաշտոնը

Պաշտոնական. Ռոբերտո Մարտինեսը լքեց Բելգիայի գլխավոր մարզչի պաշտոնը

01/12/2022 - 23:31

ԱԱ-2022-ի F խմբի 3-րդ տուրում Բելգիայի հավաքականը մրցեց Խորվաթիայի դեմ. գրանցվեց 0:0 հաշիվը։

Այս ոչ-ոքիից «կարմիր սատանաները» վաստակեցին 4 միավոր և խմբում զբաղեցրին միայն 3-րդ հորիզոնականը` լքելով հետագա պայքարը։

Հանդիպումից հետո հայտնի դարձավ, որ Բելգիայի հավաքականի գլխավոր մարզիչ Ռոբերտո Մարտինեսը հրաժարական է տվել` լքելով զբաղեցրած պաշտոնը։

Հատկանշական է, որ ինսայդեր Ֆաբրիցիո Ռոմանոն հայտնում է, որ իսպանացի մասնագետը դեռևս ընթացիկ մունդիալից առաջ էր հեռանալու որոշում կայացրել։

Հավելենք, որ 49-ամյա մասնագետը «կարմիր սատանաների» գլխավոր մարզչի պաշտոնում նշանակվել էր 2016 թվականի օգոստոսին։

Բելգիայի հավաքականը Մարտինեսի գլխավորությամբ անցկացրել է 79 հանդիպում, տոնել 56 հաղթանակ, 13 անգամ խաղն ավարտել ոչ-ոքի և կրել միայն 10 պարտություն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022