Պաշտոնական. Նոթինգհեմ Ֆորեսթն  իրականացրեց ակումբի պատմության ամենախոշոր տրանսֆերը

Պաշտոնական. Նոթինգհեմ Ֆորեսթն իրականացրեց ակումբի պատմության ամենախոշոր տրանսֆերը

19/08/2022 - 15:40

Ինչպես տեղեկացնում է «Նոթինգհեմ Ֆորեսթի» պաշտոնական կայքը, ակումբը գնել է «Վուլվերհեմպտոնի» հարձակվողական ոճի կիսապաշտպան Մորգան Գիբս-Վայթին։

«Անտառապահները» 22-ամյա ֆուտբոլիստի դիմաց «գայլերին» վճարել են 29.5 մլն եվրո` նրա հետ կնքելով 5 տարվա պայմանագիր` մինչև 2027 թ. հունիսի 30-ը։

Հատկանշական է, որ այս գործարքը դարձել է «Ֆորեսթի» պատմության ամենաթանկարժեք տրանսֆերը։

Մինչ այս ակումբի ամենաթանկարժեք տրանսֆերը Տայվո Ավոնիյիի գործարքն է եղել, ում դիմաց «անտառապահները» «Ունիոն Բեռլինին» սույն թվականի հուլիսին վճարեցին 20.5 մլն եվրո։

Նշենք, որ Մորգան Գիբս-Վայթը «Վուլվզի» սան է, որի կազմում անցկացրած 88 խաղում դարձել է 3 գոլի և 1 գոլային փոխանցման հեղինակ։

Հավելենք, որ «Նոթինգհեմ Ֆորեսթն» ընթացիկ ամառային տրանսֆերային պատուհանի ժամանակ իրականացրել է արդեն 16 գործարք` ծախսելով 148 մլն եվրո գումար։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022