ՈՒԵՖԱ-ն մտադիր է ակումբային նոր մրցաշար ստեղծել

ՈՒԵՖԱ-ն մտադիր է ակումբային նոր մրցաշար ստեղծել

23/09/2022 - 14:43

ՈՒԵՖԱ-ն սկսել է դիտարկել ակումբային նոր մրցաշար ստեղծելու գաղափարը, որին մասնակցելու են եվրագավաթների` Չեմպիոնների լիգայի, Եվրոպա լիգայի և Կոնֆերենցիաների լիգայի ու ամերիկյան ՄԼՍ-ի հաղթողները։

The Guardian-ի տեղեկություններով, նոր մրցաշարը փոխարինելու է ՈՒԵՖԱ-ի Սուպերգավաթին, որն յուրաքանչյուր տարի օգոստոսին խաղարկում են Չեմպիոնների լիգայի և Եվրոպա լիգայի հաղթողները։

Աղբյուրի փոխանցմամբ` նոր մրցաշարի ստեղծման հարցով ՈՒԵՖԱ-ի ղեկավար կազմի շրջանակներում այժմ ակտիվ բանակցություններ են ընթանում։

Հաղորդվում է, որ ՈւԵՖԱ-ն ամերիկյան շուկան համարում է ֆուտբոլի զարգացման չափազանց հեռանկարային ուղղություն։

Ավելի վաղ հայտնի էր դարձել, որ ՈՒԵՖԱ-ն մտածում է նաև Չեմպիոնների լիգայի առաջիկա խաղարկություններից մեկի եզրափակիչն անցկացնել ԱՄՆ-ում։

Այդ գաղափարին կողմ են արտահայտվել նաև ՊՍԺ-ի նախագահ Նասեր Ալ-Խելայֆին ու Եվրոպական ակումբների միությունը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022