Յուվենտուսը լուրջ կորուստներով է մոտենում Չելսիի դեմ խաղին

Յուվենտուսը լուրջ կորուստներով է մոտենում Չելսիի դեմ խաղին

27/09/2021 - 11:19

Իտալական ա Սերիայի 6-րդ տուրի շրջանակում «Յուվենտուսը» սեփական հարկի տակ 3:2 հաշվով հաղթեց «Սամդպորիային»։

Ինչպես արդեն տեղեկացրել ենք, այդ հանդիպման 22-րդ րոպեին «բյանկոներիների» կազմից Պաուլո Դիբալան վնասվածք է ստացել և չի կարողացել շարունակել հանդիպումը։

Հետագայում պարզ դարձավ, որ 82-րդ րոպեին վնասվածքի պատճառով փոխարինվել է նաև Ալվարո Մորատան։

Վերոնշյալ երկու ֆուտբոլիստներն էլ բաց կթողնեն սեպտեմբերի 29-ին Չեմպիոնների լիգայի 2-րդ տուրի շրջանակում նախատեսված «Չելսիի» դեմ տնային հանդիպումը։

Այս տեղեկությունը հաստատել է նաև թուրինյան ակումբի գլխավոր մարզիչ Մասիմիլիանո Ալեգրին, ով «Սամպդորիայի» դեմ կայացած խաղից հետո տեղի ունեցած մամուլի ասուլիսի ժամանակ կիսվել է իր տպավորություններով.

«Մենք գոհ ենք, որ երկրորդ անընդմեջ հաղթանակը տոնեցինք։ Այժմ կպատրաստվենք «Չելսիի» դեմ կայանալիք հանդիպմանը։

Ես ձեզ հաստատված տեղեկություն եմ փոխանցում. Դիբալան և Մորատան, միանշանակ, բաց են թողնելու «Չելսիի» և «Տորինոյի» դեմ հանդիպումները։ Հուսով ենք` հավաքականների խաղերով պայմանավորված դադարից հետո նրանք կլինեն մեր տրամադրության տակ»,- նշել է Ալեգրին, ում խոսքերը մեջբերում է Football Italia-ն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2019 By Sh.Gor