Մակեդոնացիները ջախջախեցին Լիխտենշտեյնին🎥

Աշխարհի 2022 թվականի առաջնության որակավորման փուլի 2-րդ տուրում Հյուսիսային Մակեդոնիայի հավաքականը J խմբի շրջանակում Սկոպիեում մրցեց Լիխտենշտեյնի հավաքականի դեմ։

Ընտրական փուլի 1-ին տուրում Ռումինիայի ընտրանուց 2։3 հաշվով կրած պարտությունից հետո մակեդենացիները պարզապես զայրացած էին և իրենց մուռը հանեցին Լիխտենշտեյնի հավաքականից՝ մրցակցի դարպասն ուղարկելով 5 անպատասխան գնդակ։

Իգոր Անգելովսկու սաներից դուբլի հեղինակ դարձավ Ալեքսանդր Տրայկովսկին, իսկ մեկական անգամ էլ աչքի ընկան Էնիս Բարդին, Էլիֆ Էմլասը և Իլյա Նեստերովսկին։

Այսպիսով, Հյուսիսային Մակեդոնիայի հավաքականը 5։0 հաշվով գերվստահ հաղթանակ տարավ Լիխտենշտեյնի հավաքականի նկատմամբ։ Մակեդոնացիներն ընթացիկ ընտրական մրցաշարում տոնեցին իրենց առաջին հաղթանակը։

J խմբում 2-րդ տուրի շրջանակում Հայաստանի հավաքականը սեփական հարկի տակ 2։0 հաշով հաղթեց Իսլանդիային, իսկ գերմանացիները հյուրընկալվելիս՝ 1։0 հաշվով Ռումինիայի ընտրանուն։

Այս խմբում Հայաստանի և Գերմանիայի հավաքականներն ունեն 6-ական, Ռումինիան և Հյուսիսային Մակեդոնիան՝ 3-ական, իսկ Իսլանդիան և Լիխտենշտեյնը՝ 0 միավոր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am