Հալանդը  կրկնել է  Ագուերոյի 11 տարվա վաղեմության ցուցանիշը

Հալանդը կրկնել է Ագուերոյի 11 տարվա վաղեմության ցուցանիշը

08/08/2022 - 13:44

Անգլիական Պրեմիեր լիգայի 1-ին տուրում «Մանչեսթեր Սիթին» հյուրընկալվելիս 2:0 հաշվով հաղթեց «Վեսթ Հեմին»։

«Քաղաքաբնակների» կազմից դուբլի հեղինակ դարձավ թիմի նորեկ Էրլինգ Հալանդը` մեծապես նպաստելով իր թիմի հաղթանակին։

Ինչպես տեղեկացնում է OptaJoe-ն, նորվեգացի հարձակվողը «Մանչեսթեր Սիթիի» պատմության միայն երկրորդ ֆուտբոլիստն է, ով Պրեմիեր լիգայի շրջանակում իր նորամուտի խաղում դարձել է դուբլի հեղինակ։

Մանկունյական ակումբի կազմում վերջին անգամ նման ցուցանիշ գրանցել էր Սերխիո Ագուերոն, ով 2011 թ. օգոստոսի 15-ին «Սուոնսիի» դեմ կայացած խաղում դարձավ դուբլի հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022