Կամերունի դեմ խաղում Կոմորյան Կղզիները ներկայացել է առանց  դարպասապահի

Կամերունի դեմ խաղում Կոմորյան Կղզիները ներկայացել է առանց դարպասապահի

25/01/2022 - 00:30

Աֆրիկայի Ազգերի լիգայի 1/8 եզրափակիչի շրջանակում Կամերունի հավաքականը մրցում է Կոմորյան Կղզիների ընտրանու դեմ։

Կոմորյան Կղզիների հավաքականն այս հանդիպմանը ներկայացել է առանց որևէ դարպասապահի, իսկ խաղի մեկնարկից դարպասը պաշտպանում է նոմինալ ձախ պաշտպան Շակեր Ալհադուրը, ում հասակն ընդամենը 172 սմ է։

Բանն այն է, որ Կոմորյան Կղզիների դարպասապահներից Սալիմ Բեն Բաունան վնասվածք ունի, իսկ Մոյադ Հոսեյնին վարակված է կորոնավիրուսով։

Հավաքականի հիմնական դարպասապահ Ալի Ահմադան, ով նույնպես վարակված էր կորոնավիրուսով, Կամերունի դեմ հանդիպումից առաջ Covid-19-ի բացասական թեստ է հանձնել, այդուհանդերձ նա, Աֆրիկայի Ազգերի գավաթի խաղարկության նոր օրենքի հետևանքով, չի կարողացել մասնակցել Կամերունի դեմ հանդիպմանը։

Ըստ նոր օրենքի` այն ֆուտբոլիստները, ովքեր մրցաշարի ընթացքում կհանձնեն կորոնավիրուսի դրական թեստ, պարտավորեն 5 օրով ինքնամեկուսանալ, իսկ Ահմադայի կարանտինն ավարտվում էր միայն հունվարի 22-ին։

Ընդ որում` ֆուտբոլիստն ինքնամեկուսացումից դուրս գալուց հետո առաջիկա հանդիպման համար պետք է ներկայացնի առավելագույնը 48 ժամվա վաղեմության ՊՇՌ բացասական թեստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022