Խավի. «Բարսան չի կարող ոչ-ոքի խաղալ կամ պարտվել. այն աշխարհի լավագույն ակումբն է»

Խավի. «Բարսան չի կարող ոչ-ոքի խաղալ կամ պարտվել. այն աշխարհի լավագույն ակումբն է»

06/11/2021 - 11:04

Ինչպես արդեն տեղեկացրել ենք, «Բարսելոնայի» նոր գլխավոր մարզիչ է նշանակվել Խավին։

Այդ նշանակումից հետո 41-ամյա մասնագետը կիսվել է իր տպավորություններով.

«Մենք առավելագույն կենտրոնացվածությամբ ենք աշխատելու։ Ի վերջո, մենք «Բարսան» ենք` աշխարհի լավագույն ակումբը, որը պետք է հաղթի։ Աշխարհի լավագույն ակումբը չի կարող ոչ-ոքի խաղալ կամ պարտվել, այդ պատճառով էլ իմ պահանջները միայն առավելագույնն են լինելու։

Մենք կփորձենք երջանկացնել ֆուտբոլիստներին։ Անհրաժեշտ է քրտնաջան աշխատել, հստակ նպատակներ սահմանել և, իհարեկ, փորձել հաղթել։

Ես դրական եմ տրամադրված. պետք է աշխատել, որպեսզի ամեն ինչ ստացվի։

Ես նույնպես անցել եմ ծանր իրավիճակներով։ Այժմ «Բարսայի» պատմության լավագույն պահերը չեն, սակայն ես ցանկանում եմ ակումբին ցույց տալ իմ գաղափարները։

Կարծում եմ` խնդիրը թիմային աշխատանքն է։ Անհամբեր սպասում եմ ամեն ինչ ուղղելու հնարավորությանը, սակայն ես պետք է դեռ խոսեմ ֆուտբոլիստների հետ, որպեսզի հասկանամ` ինչպես փոխեմ իրավիճակը։

Երախտապարտ եմ Սերխի Բարխուանին` կատարած աշխատանքի համար։ Այսօր նա ևս մեկ հանդիպում ունի, որը շատ կարևոր է (Խմբ.` «Բարսելոնան» նոյեմբերի 6-ին Լա լիգայի 13-րդ տուրի շրջանակում հյուրընկալվելիս կմրցի «Սելտայի» դեմ)»,- նշել է իսպանացի մասնագետը, ում խոսքերը մեջբերում է Mundo Deportivo-ն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022