Լիգա 1-ը ներկայացնող երկու ակումբներ հետաքրքրված են Սպերցյանի ծառայություններով

Լիգա 1-ը ներկայացնող երկու ակումբներ հետաքրքրված են Սպերցյանի ծառայություններով

28/05/2022 - 14:19

«Կրասնոդարի» կիսապաշտպան Էդուարդ Սպերցյանը, հնարավոր է, կարիերան շարունակի ֆրանսիական Լիգա 1-ում։

Ինչպես հայտնում է Twitter-ի Armenie Football էջը, հայազգի ֆուտբոլիստի ծառայություններով հետաքրքրված են «Մոնակոն» ու «Մարսելը»։

Աղբյուրի փոխանցմամբ` մոնեգասկյան ակումբի ներկայացուցիչները 21-ամյա ֆուտբոլիստի տրանսֆերի հարցում արդեն առաջարկ են կատարել «Կրասնոդարին» և կապ են հաստատել Սպերցյանի գործակալի հետ, որպեսզի պայմանագիր կնքեն նրա հետ ամառային տրանսֆերային պատուհանի ժամանակ։

Նշենք, որ «Մոնակոյի» ու Սպերցյանի միջև կապի մասին տեղեկությունը հաստատել է նաև լրագրող Հրաչ Խաչատրյանը։

Հավելենք, որ Սպերցյանը «Կրասնոդարի» սան է, որի կազմում անցկացրել է 34 հանդիպում` դառնալով 8 գոլի և 4 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022