Իտալական գրանդը պայմանագիր է առաջարկել Մարսելոյին

Իտալական գրանդը պայմանագիր է առաջարկել Մարսելոյին

20/06/2022 - 22:34

Ինչպես արդեն տեղեկացրել ենք, Մարսելոն ազատ գործակալի կարգավիճակով հեռացել է «Ռեալ Մադրիդից»։

Ինչպես տեղեկացնում է AS-ը, բրազիլացի պաշտպանի ծառայություններով հետաքրքրված է «Միլանը»։

Աղբյուրի փոխանցմամբ` «ռոսոներիները» Մարսելոյին պայմանագիր են առաջարկել` տարեկան 3 մլն եվրո աշխատավարձով։

Այդուհանդերձ, 34-ամյա պաշտպանին չի գոհացրել «Միլանի» առաջարկը. նա ցանկանում է վաստակել տարեկան 6 մլն եվրո։ հենց այդքան էր կազմում նրա աշխատավարձը «արքայական» ակումբում։

Հաղորդվում է, որ միլանյան ակումբի ներկայացուցիչները շարունակում են բանակցություններ վարել Մարսելոյի հետ և բացառված չէ, որ նոր` բարելավված առաջարկ կանեն ֆուտբոլիստին։

Նշենք` կան տեղեկություններ նաև, որ թուրքական «Ֆեներբախչեն» նույնպես պատրաստվում է պայմանագիր առաջարկել բրազիլացի պաշտպանին։

Բացի դրանից, նրա ծառայություններով հետաքրքրված են նաև «Մարսելը», Բրազիլիան ու Քաթարը ներկայաղնող մի շարք ակումբներ։

Ավելի վաղ հայտնի էր դարձել, որ Ռոնալդոն պատրաստվում է Մարսելոյին Դանի Ալվեսի հետ հրավիրել Լա լիգա վերադարձած «Վալյադոլիդ»։

Հիշեցնենք, որ Մարսելոն «Ռեալ Մադրիդի» կազմում հանդես էր գալիս 2007 թ. հունվարից, որի մարզաշապիկով անցկացրել է 544 հանդիպում` դառնալով 37 գոլի և 103 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022