Երեք հրացանակիրները գործի մեջ են. ՊՍԺ-ն կամային հաղթանակ տոնեց Մաքքաբի Հայֆայի նկատմամբ🎥

Երեք հրացանակիրները գործի մեջ են. ՊՍԺ-ն կամային հաղթանակ տոնեց Մաքքաբի Հայֆայի նկատմամբ🎥

15/09/2022 - 01:12

Չեմպիոնների լիգայի 2-րդ տուրում ՊՍԺ-ն H խմբի շրջանակում հյուրընկալվելիս մրցեց «Մաքքաբի Հայֆայի» դեմ։

Հանդիպման առաջին կեսից հետո Հայֆայի «Սեմի Օֆեր» մարզադաշտի լուսատախտակին բավական անակնկալ արդյունք էր գրանցվում, քանի որ «Մաքքաբին» հավասար պայքար առաջարկեց ՊՍԺ-ին, իսկ կողմերն ընդմիջման գնացին 1:1 հաշվի պայմաններում։

Նախ 24-րդ րոպեին իսրայելական ակումբին առաջ մղեց Տիրոն Շերին, ապա 37-րդ րոպեին Լեո Մեսսին խփեց հյուրերի պատասխան գնդակը։

Այդուհանդերձ, երկրորդ խաղակեսում Քրիստոֆ Գալտյեի սաներն ապացուցեցին իրենց բարձր կարգն ու երկու անպատասխան գնդակ ուղարկեցին տանտերերի դարպասապահ Ջոշ Կոեին պաշտպանած դարպասը` հաղթելով 3:1 հաշվով։

Փարիզյան ակումբի կազմից 69-րդ ու 88-րդ րոպեներին աչքի ընկան համապատասխանաբար Կիլիան Մբապեն ու Նեյմարը։

Այս խմբում կայացել է ևս մեկ հանդիպում.

«Յուվենտուս» 1:2 «Բենֆիկա»

2-րդ տուրից հետո H խմբի մրցաշարային աղյուսակը ստացավ հետևյալ տեսքը.

  1. Բենֆիկա – 6 միավոր
  2. ՊՍԺ – 6 միավոր
  3. «Յուվենտուս» – 0 միավոր
  4. «Մաքքաբի Հայֆա» – 0 միավոր

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022