Ե՞րբ էր վերջին անգամ Բարսելոնան դուրս մնացել ՉԼ խմբային փուլից

Ե՞րբ էր վերջին անգամ Բարսելոնան դուրս մնացել ՉԼ խմբային փուլից

09/12/2021 - 10:39

Չեմպիոնների լիգայի խմբային փուլի վերջին` 6-րդ տուրում «Բարսելոնան» հյուրընկալվելիս 0:3 հաշվով պարտվեց «Բավարիային»։

Այդ պարտության հետևանքով կատալոնական ակումբը E խմբում նահանջեց 3-րդ հորիզոնական և 2022 թ. գարնանը պայքարը կշարունակի Եվրոպա լիգայի 1/16 եզրափակիչում։

Ինչպես տեղեկացնում է OptaJose-ն, «Բարսելոնան» 2000 թ. ի վեր առաջին անգամ չկարողացավ հաղթահարել Չեմպիոնների լիգայի խմբային փուլը։

«Բլաուգրանասը» ՉԼ 2000/01 մրցաշրջանում նույն խմբում ընգրկված էր «Միլանի», «Լիդսի» և «Բեշիկթաշի» հետ ու զբաղեցրեց 3-րդ հորիզոնականը` պայքարը շարունակելով ՈՒԵՖԱ-ի գավաթի (խմբ.` ներկայիս Եվրոպա լիգայի) շրջանակում։

«Բարսան» այդ ժամանակ հասավ մինչև ՈՒԵՖԱ-ի գավաթի կիսաեզրափակիչ ու երկու խաղերի արդյունքում 0:1 հաշվով պարտվեց «Լիվերպուլին», որն էլ հետագայում եզրափակիչում 5:4 հաշվով հաղթեց մեկ այլ իսպանական թիմի` «Ալավեսին»` նվաճելով բաղձալի գավաթը։

Նշենք նաև, որ «կապտանռնագույնները» 2004 թ. ի վեր առաջին անգամ հանդես չեն գա ՉԼ փլեյ-օֆֆ-ում։ Կատալոնական ակումբը չէր կարողացել որակավորվել Չեմպիոնների լիգայի 2003/04 մրցաշրջանին, քանի որ Լա լիգայի 2002/03 մրցաշրջանում զբաղեցրել էր միայն 6-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022