Դե Յոնգը Բարսելոնայում խոշոր աշխատավարձ է ստանում. ակումբը  վերջնագիր է ներկայացրել նրան

Դե Յոնգը Բարսելոնայում խոշոր աշխատավարձ է ստանում. ակումբը վերջնագիր է ներկայացրել նրան

11/08/2022 - 17:19

«Բարսելոնայի» կիսապաշտպան Ֆրենկի դե Յոնգի ապագան շարունակում է մնալ անորոշ։

Ինչպես տեղեկացնում է Diaro Sport-ն, ըստ 2020 թ. աշնանը կնքված պայմանագրի` 2022/23 մրցաշրջանից սկսած` հոլանդացի ֆուտբոլիստի աշխատավարձը դառնալու է 22 մլն եվրո։

Այդուհանդերձ, «բլաուգրանայի» ղեկավարությունն այդ պայմանագիրն համարում է անօրինական և Դե Յոնգին վերջնագիր է ներկայացրել` պահանջելով կա՛մ հեռանալ ակումբից կա՛մ էլ աշխատավարձը կրճատել 50%։

Այժմ ֆուտբոլիստի և կատալոնական ակումբի միջև հարաբերությունները հասել են գագաթնակետին, քանի «Բարսելոնան» չի ցանկանում ֆինանսական նման պայմաններով շարունակել համագործակցությունը Դե Յոնգի հետ։

«Կապտանռնագույնները» մտադիր են հասնել նրան, որ 25-ամյա կիսապաշտպանը կիսով չափ կրճատի աշխատավարձը։

«Բարսելոնային» մոտ կանգնած աղբյուրները նշում են, որ ակումբը, կապված հոլանդացի ֆուտբոլիստի գործող պայմանագրի հետ, պատրաստ է նույնիսկ դատական հայց ներկայացնել` դիմելով ծայրահեղ քայլի նպատակին հասնելու համար։

Դրան զուգահեռ, «բլաուգրանայի» նախագահ Ժոան Լապորտան և գլխավոր մարզիչ Խավին շարունակում են պնդել, թե ակումբը ոչ մի կերպ չի պատրասվում վաճառել Դե Յոնգին և վստահ են, որ նա մեծ օգուտ է տալու ակումբին։

Հիշեցնենք, որ հոլանդացի ֆուտբոլիստի ապագան տևական ժամանակ կապվում էր «Մանչեսթեր Յունայթեդի» հետ, սակայն այժմ գործին խառնվել է նաև «Չելսին», որն ավելի մոտ է գործարքն իրականացնելուն։

Վերջում հավելենք, որ Ֆրենկի դե Յոնգը «Բարսելոնայի» կազմում հանդես է գալիս 2019 թ. հուլիսից` անցկցրած 138 խաղում դառնալով 13 գոլի և 17 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022