Բարսելոնան կանի ամեն ինչ` Մորատայի տրանսֆերն իրագործելու համար

Բարսելոնան կանի ամեն ինչ` Մորատայի տրանսֆերն իրագործելու համար

28/01/2022 - 14:26

«Բարսելոնան» շարունակում է անել ամեն ինչ, որպեսզի մինչև ընթացիկ ձմեռային տրանսֆերային պատուհանի ավարտն իրագործի «Ատլետիկո Մադրիդի» հարձակվող Ալվարո Մորատայի տրանսֆերը, ով այժմ վարձավճարով հանդես է գալիս «Յուվենտուսի» կազմում։

Ինչպես տեղեկացնում է El Chiringuito-ն, կատալոնական ակումբի ղեկավարությունը պատրաստ է ներդնել բոլոր ռեսուրսները, որպեսզի Մորատան համալրի «Բարսելոնայի» շարքերը։

Աղբյուրի փոխանցմամբ` «բալուգրանասի» նախագահ Ժոան Լապորտան անձամբ մեկնել է Մադրիդ և «Ատլետիկոյի» ղեկավարության հետ քննարկել հավանական տրանսֆերի մանրամասները։

Հիշեցնենք` ավելի վաղ հայտնի էր դարձել, որ «Բարսելոնայի» համար այս գործարքն իրագործելը սպասվածից ավելի բարդ է լինելու, քանի որ «Ատլետիկոն» չի ցանկանում իր ֆուտբոլիստին կրկին վարձավճարով տրամադրել որևէ ակումբի։

Բացի դրանից, եթե կատալոնական ակումբը նույնիսկ կարողանա ձեռք բերել Մորատային, ապա պետք է էականորեն նվազեցնի աշխատավարձի բյուջեն, որպեսզի կարողանա հայտավորել իսպանացի հարձակվողին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022