Բարսելոնայի ու Դեմբելեի միջև բանակցությունները փակուղի են մտել. ֆրանսիացին մոտ է ակումբից հեռանալուն

Բարսելոնայի ու Դեմբելեի միջև բանակցությունները փակուղի են մտել. ֆրանսիացին մոտ է ակումբից հեռանալուն

30/12/2021 - 14:51

«Բարսելոնան» ու Ուսման Դեմբելեն պայմանագրի երկարաձգման հարցում ոչ մի կերպ չեն կարողանում համաձայնության հասնել։

Ինչպես տեղեկացնում է լրագրող Ժերար Ռոմերոն, կողմերը չեն համաձայնեցնում հատկապես ֆուտբոլիստի աշխատավարձի չափը։

Այժմ բանակցությունները դադարեցվել են, քանի որ դրանք մտել են փակուղի։

Հավելենք, որ ֆրանսիացի վինգերի ու «Բարսելոնայի» միջև գործող պայմանագիրն ավարտվում է 2022 թ. հունիսի 30-ին, ինչից հետո դառնալու է ազատ գործակալ, իսկ արդեն հունվարի 1-ից կարող է ինքնուրույն բանակցություններ վարել, պայմանագիր համաձայնեցնել և ամռանն անվճար համալրել որևէ ակուկբի շարքերը։

Նշենք` հավանական է, որ արդեն ձմեռային տրանսֆերային պատուհանի ժամանակ Դեմբելեն կհեռանա «Բարսելոնայից». նրա ծառայություններով հետաքրքրված են «Նյուքասլը», «Լիվերպուլն» ու «Մանչեսթեր Յունայթեդը»։

Հիշեցնենք, որ Ուսման Դեմբելեն կատալոնական ակումբի շարքերը համալրել է 2017 թ. օգոստոսին, որի կազմում անցկացրել է 126 հանդիպում` դառնալով 30 գոլի և 23 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022