Ասպիլիկուետան և Մոդրիչը «Ոսկե գնդակի» քվեարկության ժամանակ չեն ստացել որևէ ձայն

Ասպիլիկուետան և Մոդրիչը «Ոսկե գնդակի» քվեարկության ժամանակ չեն ստացել որևէ ձայն

30/11/2021 - 16:11

Ինչպես արդեն տեղեկացրել ենք, նոյեմբերի 29-ին Փարիզի Շատլե թատրոնուն կայացավ «Ոսկե գնդակի» ամենամյա մրցանակաբաշխությունը, որի շրջանակում ՊՍԺ-ի հարձակվող Լեո Մեսսին 7-րդ անգամ նվաճեց անհատական ամենահեղինակավոր մրցանակը։

Արդեն հայտնի են դարձել քվեարկության արդյունքները` նաև ըստ ֆուտբոլիստների ստացած ձայների։

Հայտնի է, որ Մեսսին ստացել է 613 ձայն և երկրորդ հորիզոնականը զբաղեցրած Ռոբերտ Լևանդովսկում գերազանցել է ընդամենը 33 ձայնով (580)։

Ինչպես տեղեկացնում է AS-ը, քվեարկության արդյունքներով 29-30-րդ հորիզոնականները զբաղեցրած Սեսար Ասպիլիկուետան («Չելսի») և Լուկա Մոդրիչը («Ռեալ Մադրիդ») չեն ստացել որևէ ձայն։

Նշենք, որ Լուկա Մոդրիչը դեռ 2018 թվականին դարձել էր «Ոսկե գնդակի» դափնեկիր, իսկ Ասպիլիկուետան 2021 թ. «Չելսիի» կազմում դարձել է Չեմպիոնների լիգայի և ՈՒԵՖԱ-ի Սուպերգավաթակիր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022