Վալվերդեն մարզումների է հրավիրել հավաքականներ չմեկնած ֆուտբոլիստներին, սակայն ոչ ոք չի գնացել

Վալվերդեն մարզումների է հրավիրել հավաքականներ չմեկնած ֆուտբոլիստներին, սակայն ոչ ոք չի գնացել

23/03/2019 - 19:50

«Բարսելոնայի» գլխավոր մարզիչ Էռնեստո Վալվերդեն ազգային հավաքականներ չմեկնած ֆուտբոլիստներին յոթօրյա հանգիստ էր տվել, բայց նշանակել էր կամավոր մարզումների օրեր, սակայն ոչ մի խաղացող չի ներկայացել ակումբի բազա:

Ինչպես հայտնում է Record-ը, խաղացողները կարող էին երկուշաբթի և երեքշաբթի գալ մարզողական կենտրոն վերականգնման կամ մերսման սեանսների: Վալվերդեն խնդրել էր մարզչական շտաբի ներկայացուցիչներին այդ օրերին լինել աշխատանքի վայրում և ընդունել ֆուտբոլիստներին:

«Արդյունքում մարզիչները իրար էին նայում»,- պնդում է աղբյուրը:

«Բարսելոնայի» 23 ֆուտբոլիստներից քաղաքում մնացել էին 4-ը՝ չհաշված վնասվածք ստացած Ռաֆինիան, Դեմբելեն և Սուարեսը: Կամավոր մարզումներ առաջարկվել էին Պիկեին, Բոատենգին, Լանգլեին և Մալկոմին:

#

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023