Ուրարտուի կիսապաշտպանն ընդգրկվել է The Guardian-ի վարկածով 2005 թ. ծնված ամենատաղանդավոր ֆուտբոլիստների ցանկում

Ուրարտուի կիսապաշտպանն ընդգրկվել է The Guardian-ի վարկածով 2005 թ. ծնված ամենատաղանդավոր ֆուտբոլիստների ցանկում

29/09/2022 - 10:57

Բրիտանական հեղինակավոր The Guardian պարբերականը ներկայացրել է իր վարկածով 2005 թ. ծնված ամենատաղանդավոր ֆուտբոլիստների ցանկը։

Ցանկում ընդգրկվել է նաև «Ուրարտուի» 17-ամյա կիսապաշտպան Գառնիկ Մինասյանը։

«Մինասյանի սրընթաց առաջընթացը Հայաստանում աննկատ չի մնում։ Միգուցե նա հրաշամանուկ չէր, սակայն 15 տարեկանը բոլորելուց հետո երկու հիանալի մրցաշրջան է անցկացրել։

24 գոլի և 31 գոլային փոխանցման ցուցանիշը տպավորիչ է նույնիսկ երիտասարդական մրցաշարերի շրջանակում, ինչը նրան թույլ տվեց ակադեմիայից տեղափոխվել «Ուրարտու-2» և խաղալ Հայաստանի Առաջին խմբում` երկրորդ դիվիզիոնում։

Մինասյանը կայացած, էլեգանտ «box-to-box» ոճի կիսապաշտպան է, ով կարողանում է կառավարել խաղն իր տեխնիկայի և խաղը կարդալու ունակությունների շնորհիվ։

Դաշտը տեսնելու կարողությունը, ճիշտ դիրք ընտրելը, հիանալի երկար փոխանցումներն ու գրոհների եզրափակումը լավագույն որակմներից են, որոնք կարելի է տեսնել Մինասյանի խաղին հետևելիս։

Ըստ հայկական ԶԼՄ-ների` ֆրանսիական և բելգիական մի շարք ակումբների սկաուտներ Հայաստանում հետևել են նրա խաղին։ Կարծում ենք` նրա` արտասահմանյան որևէ ակումբի շարքերը համալրելը միայն ժամանակի հարց է»,- գրված է The Guardian-ի` Գառնիկ Մինասյանին նվիրված հոդվածում։

Նշենք, որ Գառնիկ Մինասյանն այժմ հանդես է գալիս «Ուրարտու-2»-ի կազմում և Հայաստանի Առաջին խմբի ընթացիկ խաղարկությունում դաշտ է դուրս եկել 8 անգամ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022