Հալանդն անհավանական է. Ման. Սիթին տպավորիչ comeback արեց Քրիսթալ Փելասի դեմ խաղում🎥

Անգլիական Պրեմիեր լիգայի 4-րդ տուրում «Մանչեսթեր Սիթին»` «Էթիհադ» մարզադաշտում, մրցեց «Քրիսթալ Փելասի» դեմ։

Հանդիպմումը բավական անհաջող մեկնարկ ունեցավ «քաղաքաբնակների» համար, ովքեր առաջին կեսից հետո զիջում էին 0:2 հաշվով։

Խաղի հաշիվն արդեն 4-րդ րոպեին բացվեց Ջոն Սթոունզի ինքնագոլից, իսկ 22-րդ րոպեին աչքի ընկավ Յոաքիմ Անդերսենը։

Այդուհանդերձ, երկորդ կեսում Պեպ Գվարդիոլայի սաները կարողացան բեկել հանդիպման ընթացքն ու տպավորիչ comeback անել` հաղթելով 4:2 հաշվով։

«Սիթիի» կազմից փայլեց Էրլինգ Հալանդը, ով դարձավ հեթ-տրիկի հեղինակ, մեկ գնդակ էլ խփեց Բերնարդու Սիլվան։

Նշենք, որ նորվեգացի հարձակվողը Պրեմիեր լիգայի շրջանակում անցկացրած 4 խաղում դարձել է արդեն 6 գոլի հեղինակ և գլխավորում է լավագույն ռմբարկուների ցուցակը։

Այսպիսով, «Մանչեսթեր Սիթին» այս հաղթանակից հետո վաստակեց 10 միավոր և գլխավորում է մրցաշարային աղյուսակը։

«Արծիվները», 4 միավորով, 13-րդն են։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am