Ֆանտաստիկ Բավարիա. «ռեկորդ մայսթերը» անհավանական հաշվով հաղթեց Դարմշտադտին 🎥

Գերմանական Բունդեսլիգայի 9-րդ տուրում «Բավարիան» Մյունխենի «Ալյանց Արենա» մարզադաշտում մրցեց «Դարմշտադտի» դեմ։

Գոլազուրկ առաջին կեսից հետո «ռեկորդ մայսթերը» պարզապես անհավանական հանդիպում անցկացրեց` մրցակցին ջախջախելով 8:0 հաշվով։

Թոմաս Տուխելի թիմից հեթ-տրիկի հեղինակ դարձավ Հարի Քեյնը, Ջամալ Մուսիալան ու Լերոյ Սանեն իրենց անվան դիմաց դուբլ գրանցեցին, իսկ Թոմաս Մյուլլերն աչքի ընկավ մեկ անգամ։

Հանուն արդարության` նշենք, որ առաջին կեսից հետո հյուրերը հանդես էին գալիս 9, իսկ «Բավարիան»` 10 ֆուտբոլիստներով։

Մյունխենյան ակումբի կազմից 4-րդ րոպեին կարմիր քարտ ստացավ Յոզուա Կիմիխը, իսկ «Դարմշտադտի» կազմից 21-րդ և 41-րդ րոպեներին դաշտից հեռացվեցին համապատասխանաբար Կլաուս Գիյասուլան և Մատեյ Մագլիցան։

Այս հաղթանակից հետո «Բավարիան» վաստակեց 23 միավոր` գլխավորելով Բունդեսլիգայի մրցաշարային աղյուսակը։

«Դարմշտադտը», 7 միավորով, 14-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am