Խավի. «Բարսան նման կազմով կարող է պայքարել բոլոր տիտղոսների համար»

«Բարսելոնայի» գլխավոր մարզիչ Խավին հուսով է, որ կատալոնական ակումբը հիանալի մրցաշրջան կանցկացնի.

«Ես ամեն օր ճնշում եմ զգում։ Երբ դու ​​հաղթում ես, հիանալի է, բայց երբ պարտվում ես, խայտառակություն է, և գրեթե չես կարող դուրս գալ փողոց։

Ես մեծ հույս ունեմ, որ հիանալի մրցաշրջան ենք անցկացնելու։ Դրական տեղաշարժ եմ տեսնում մեր խաղում։ Ֆուտբոլը և գնդակը վճռորոշ դեր են խաղում։

Տրանսֆերային պատուհանից հետո ինձ թեթևացած եմ զգում։ Մենք աշխատել ենք ինչպես մեկ միասնական թիմ և հիանալի համալրումներ ենք կատարել։

Մենք գոհ ենք այն ամենից, ինչ ունենք։ «Բարսան» նման կազմով կարող է պայքարել բոլոր տիտղոսների համար, և մենք պետք է դա ապացուցենք դաշտում»,- իսպանացի մասնագետի խոսքերը մեջբերում է Marca-ն։

Հիշեցնենք, որ վերջերս փակված ամառային տրանսֆերային պատուհանի ժամանակ «Բարսելոնան» իրականացրել է 7 գործարք` գնելով Ժյուլ Կունդեին, Ռոբերտ Լևանդովսկիին, Ռաֆինյային և ազատ գործակալի կարգավիճակով պայմանագիր կնքելով Մարկոս Ալոնսոյի, Հեկտոր Բելերինի, Անդրեաս Քրիստենսենի ու Ֆրանկ Կեսիեի հետ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am